श्रीराम समर्थ
श्रीसद्गुरु ब्रह्मचैतन्य महाराज गोंदवलेकर यांचा १०६ वा पुण्यतिथी महोत्सव श्रीक्षेत्र गोंदवले येथे प्रतिवर्षाप्रमाणे मार्गशीर्ष वद्य प्रतिपदा ते वद्य दशमी शके १९४१, शुक्रवार दिनांक १३ डिसेंबर ते शनिवार दिनांक २१ डिसेंबर २०१९ दरम्यान साजरा होणार आहे.
समाधीसन्निध श्रीसद्गुरु आहेतच, या भावनेने श्रींची भक्तमंडळी समाधिमंदिरात अखंड नामस्मरण, अखंड पहारा, श्रींची पालखी, कीर्तन आरती इ. उपासना कार्यक्रम दरवर्षीप्रमाणे करणार आहेत.
कोठीपूजनाचा कार्यक्रम शुक्रवार दिनांक १३ डिसेंबर रोजी सकाळी ६ नंतर संपन्न होईल. रोज सकाळी ८ ते ९ सामुहिक नामस्मरण होईल व श्रींची पालखी १०.०० निघेल. गुलालाचा कार्यक्रम दि. २१ डिसेंबर २०१९ रोजी पहाटे ५.५५ वा. संपन्न होईल.